На тыдні стужкі навін зноў мільгалі дыскусіямі аб "Еўрабачанні-2017". Белтэлерадыёкампанія завяршыла прыём заявак на нацыянальны адбор на конкурс і запрасіла ўсіх прэтэндэнтаў на праслухванне. У гэтым сезоне на Макаёнка 9 паступіла 67 бандэроляў ад сольных выканаўцаў і калектываў. Прадставіць Беларусь на "Еўрабачанні" пажадалі нават іншаземцы - заяўкі прыйшлі ў тым ліку з Расіі, Украіны, Туркменістана, Латвіі, ЗША і нават Нігерыі. На першым этапе кампазіцыі ацэньвала журы, а гледачы сачылі за тым, што адбываецца, анлайн. Сайт Белтэлерадыёкампаніі вёў прамую трансляцыю праслухвання, таксама ўключэнні з месца падзей дэманстраваліся ў facebook.
Пасля гарачых дыскусій эксперты вызначылі 13 фіналістаў праекта. Іх імёны - на вашых экранах. Фіналісты будуць змагацца за права прадставіць нашу краіну на конкурсе ў фармаце жывога тэлевізійнага канцэрта. Пераможца праекта выберуць гледачы і журы па формуле галасавання 50 на 50. Выніковы гала-канцэрт адбудзецца не пазней як 25 студзеня. Пераможца праекта і адправіцца на "Еўрабачанне", якое адбудзецца ў Кіеве. Паўфіналы запланаваныя на 9 і 1 мая, а фінал на 13.
Праўда, пытанне, ці ў Кіеў адправіцца прадстаўнік Беларусі. Сёння нямецкі Bild паведаміў, што "Еўрабачанне-2017" могуць перанесці з Кіева ў Маскву з-за бюракратычных паравалок і фінансавых складанасцяў ва Украіне. Канчатковае рашэнне будзе прынята 8 снежня, паведамляе Bild .
Што датычыцца беларускага адбору, то праслухванне музыкантаў стала выдатным піярам. Відэаролікі самых неардынарных, фрыкавых нумароў ужо сталі хітамі Інтэрнэту. Чаго каштуе выкананне кампазіцыі "Дзьмі на мяне, дзьмі", тэкст якой разышоўся на цытаты, а рэфрэн песні зараз - папулярны хэштэг.
