Вячаслаў Панін сёння святкуе 70-годдзе

21 Красавіка 2016

Яго мала хто ведае ў твар, але працу гэтага чалавека бачыў абсалютна кожны. Рэжысёр усіх дзяржаўных святаў: штогадовых парадаў да Дня Незалежнасці, адкрыцця чэмпіянату свету па хакеі, акцыі "Праспяем гімн разам" - Вячаслаў Панін сёння святкуе 70-годдзе. З юбілярам сустрэлася Алена Борматава.

Яго пляцоўка - кіламетровыя праспекты. Тысячная масоўка. Акцёры, спартсмены, студэнты і школьнікі. Парады, шэсці, адкрыццё плошчы Герба і флага, чэмпіянат свету па хакеі. Праца Паніна - дарыць людзям свята.

Ён пачынаў з Ветра. Гэта была першая тэатральная роля ў азербайджанскім Тэатры юнага гледача. За плячамі вучоба на геадэзіста, а затым і Маскоўскі інстытут культуры. У Мінск Панін прыязджае ўжо рэжысёрам. Сваёй прафесіі сёння навучае на адзінай у краіне кафедры рэжысуры эстрады ва ўніверсітэце культуры. Мала хто ведае, але ў тэатральных афішах Беларусі значацца спектаклі драматурга Вячаслава Паніна. "Песня ваўка", напісаная ў 1978, як раз зараз рыхтуецца да пастаноўкі ў Сібіры.

Малавядомы факт біяграфіі: сёння Паніну - на год больш. І назваць яго хацелі Вадзімам. Але полк, дзе служыў бацька, вырашыў адназначна: хлопчык, народжаны за некалькі дзён да Перамогі, - гэта СЛАВА палка.

Ніякіх афіцыйных урачыстасцяў. У тэатры эстрады, дзе Панін вось ужо некалькі дзесяцігоддзяў мастацкі кіраўнік, дадуць спектакль, пастаўлены юбілярам. На гэтым усё. І гэта жаданне самога рэжысёра. Зараз час падрыхтоўкі галоўных святаў краіны, а не ўласнага юбілею. Для таго каб шэсце глядзелася грандыёзна, праца пачынаецца задоўга да самога парада.