Арыгінальны паўдаспех другой паловы XVI стагоддзя з прыватнай калекцыі штата Масачусетс прыбыў у Мінск.
Пакуль гэта адзіны экзэмпляр са збору магнатаў. Калекцыя ў Нясвіжы стваралася з моманту заснавання палаца. Даспехі са Злучаных Штатаў змясцілі на вокладку новага выдання "Нясвіж. Палацава-паркавы ансамбль. Калекцыя зброі і даспехаў". На прэзентацыю лімітаванага выпуску прыехалі прадстаўнікі магнацкага роду Радзівілаў з Італіі.
Гэта другі візіт нашчадкаў Радзівілаў у Беларусь. Да візіту гасцей падрыхтавалі рыцарскі перформанс. А заўтра сям'я наведае Нацыянальны мастацкі музей.