Чароўны свет фарфору у мастацкай галерэі Міхаіла Савіцкага

17 марта 2021
Жаночыя вобразы  ў фарфоры. Мастацкая галерэя Міхаіла Савіцкага прымае выставу  Віктара Суворава. Збіральнік антыкварыяту прапануе гледачам знаёмства са светам  сувенірнага фарфору, а таксама посуду вытворчасці розных  заводаў: кіеўскага, рыжскага,  з Добруша і Гжэлі. Асаблівую каштоўнасць калекцыі надае той факт, што многія  фабрыкі - ужо гісторыя. Яны спынілі сваю вытворчасць, і іх прадметы цяпер лічацца  рарытэтам.             

На выставе больш за сотню тэматычных падборак  жаночых фігурак. Прадстаўніц  розных прафесій і нацыянальнасцей. Падкалекцыя, якой аддае перавагу сам аўтар, - гэта казачныя гераіні: Папялушка, Снягурка, Чырвоная Шапачка.