Народны артыст СССР Уладзімір Співакоў узнагароджаны адной з вышэйшых узнагарод Беларусі - ордэнам Францыска Скарыны. Урачыстая цырымонія адбылася напярэдадні ў Маскве. У адпаведнасці з указам Прэзідэнта Беларусі, Уладзімір Співакоў удастоены ўзнагароды за выключны асабісты уклад у развіццё і папулярызацыю класічнага мастацтва, вялікія заслугі ва ўмацаванні беларуска-расійскіх культурных сувязяў.
Фонд Уладзіміра Співакова ўжо 20 гадоў аказвае падтрымку таленавітым дзецям з Беларусі. Маэстра прызнаецца, што такая дапамога юным талентам - справа ўсяго яго жыцця. Паводле шматлікіх просьбаў беларускай публікі, Співакоў мае намер паўтарыць у Мінску ўнікальны праект - дэманстрацыя знакамітага фільма Чарлі Чапліна Агні вялікага горада ў суправаджэнні жывой музыкі, якую выконвае Нацыянальны філарманічны аркестр Расіі.
