Уладальнікам Гран-пры на міжнародным дзіцячым конкурсе "Віцебск-2019" стала Ксенія Галецкая

11 Ліпеня 2019

У Віцебску праз паўтары гадзіны будзе дадзены старт 28-му міжнароднаму форуму "Славянскі базар". Госці і ўдзельнікі ў чаканні. Навіны з фестывальнага горада сёння ў топе ўсіх інфармацыйных рэсурсаў. Літаральна некалькі хвілін таму вырашылася адна з інтрыг. Сталі вядомыя імёны лаўрэатаў міжнароднага дзіцячага музычнага конкурсу "Віцебск-2019".

З намі на сувязь выходзіць карэспандэнт Лідзія Заблоцкая (прамое ўключэнне). Інтрыга вырашылася літаральна за некалькі хвілін да нашага ўключэння. У канцэртнай зале "Віцебск" аб'явілі пераможцаў дзіцячага конкурсу. Не буду стамляць: уладальнікам Гран-пры на міжнародным дзіцячым конкурсе "Віцебск" стала наша ўдзельніца Ксенія Галецкая. Праз два гады перамога зноў застаецца ў Беларусі.

Нагадаем, што ў конкурсе ўдзельнічалі прадстаўнікі 21 краіны. Упершыню гледачы пачулі юных вакалістаў з Вялікабрытаніі, Індыі і Ірландыі. А песню ўладальніка Гран-пры пачуем на цырымоніі адкрыцця. Дарэчы, там жа будзе ўручаная галоўная ўзнагарода - спецыяльны прыз Прэзідэнта Беларусі "Праз мастацтва - да міру і паразумення". Уладальнікам бронзавай музы стала народная артыстка Украіны Таісія Павалій. Яе імем назвалі і новую "валошкавую" зорку.

Мы ў прадчуванні цырымоніі адкрыцця фестывалю, яна пачнецца ў 20:30. Цырымонію зможаце ўбачыць і вы - у 22:00 пачнецца трансляцыя на тэлеканалах "Беларусь 1" і "Беларусь 24". А я з вамі не развітваюся, чакаем цырымонію адкрыцця. Наша наступнае прамое ўключэнне ў 21:00 у "Панараме".


Папулярныя

Рэкамендуемыя

Зараз чытаюць

Рэкамендуемыя