Падрабязнасці - у Дар'і Тарасавай. Публіка прыйшла на Пучыні, але, здаецца, не чакала: замест спектакля багема ўбачыць прэм’еру. Партытуры італьянца ўсё ж такі прагучалі. Вось толькі замест гісторыі пра Парыж і сучасных мастакоў на сцэне разыгралі "Вілісы. Фатум". Сімвалічна, што для кампазітара гэты матэрыял стаў першай сцэнічнай працай, а для прымы Аксаны Волкавай - дэбютам у рэжысуры.
"Вiлiсы. Фатум". Прэм'ера ў Вялiкiм - сiнтэз оперы i балета
Партал у той свет - на сцэне Вялікага тэатра Беларусі. Такое мастацкае рашэнне ў выглядзе маштабных бутафорскіх люстэркаў для Віліс убачыла ўладальніца прэміі "Залатая маска" і мастак-пастаноўшчык Этэль Іопша. Гісторыю пра разбітыя сэрцы на сцэне распавядалі не толькі салісты оперы, але хор і балет. А для таго, каб гісторыя пра прывiды нявест, падманутых жаніхамі, прагучала пераканаўча - два акты падмацавалі відэакантэнтам. А гэта каля сотні дубляў і гадзіны знятага матэрыялу. Да прэм'еры салістам оперы літаральна прыйшлося дамовіцца з гравітацыяй. Па задумцы рэжысёра, народная артыстка Анастасія Масквіна лунала над сцэнай.
Не толькi знакамiтыя арыi маэстра Пучыні. У Вілісах пашырылі музычны рад. У спектаклі прагучала і мініяцюра "Хрызантэмы". Яна ж стала дадатковай сюжэтнай лініяй для персанажа Сірэны. Прэм’ерная партыя дасталася Вользе Гайко. Дарэчы, яе гераіня ў арыгінале з’яўляецца толькі мелькам. I гэта ўжо своеасаблівы фатум для спектакля.
У новым сезоне па-сучаснаму загучыць і класіка
Балет "Шчаўкунчык" у новай рэдакцыі Валянціна Елізар’ева на сцэне дадуць у кастрычніку. Пасля ў рэпертуары чакаюцца оперы "Фаўст" і "Пінокіа".