Гэтая была першая магчымасць удзельнікам "Еўрабачання" пагутарыць з калегамі ў нефармальным становішчы. Таксама артысты наладзілі джэм-сесію. Гэта вечар імправізацыі і жывога выканання. Рэпартаж нашага спецыяльнага карэспандэнта Яўгена Перліна.
Афіцыйна еўратыдзень яшчэ не пачаўся - ён адкрыецца толькі ў нядзелю, але фанаты "Еўрабачання" ўжо апанавалі сталіцу Аўстрыі. І арганізатары далі магчымасць прыхільнікам конкурсу і артыстам пазнаёміцца бліжэй, пакуль не пачаліся генеральныя рэпетыцыі.
Тут, у начным клубе, сабраліся пакуль у асноўным удзельнікі першага паўфіналу. Ужо прыехалі прадстаўнікі Грузіі, Румыніі. Абяцалі жывое выкананне.
Пасля фотасесіі з прыхільнікамі і інтэрв'ю з журналістамі Юзары і Маймуна адправіліся на сцэну. Менавіта беларусы адкрылі вечарынку сваёй песняй "Тайм".
