Нацыянальны мастацкі музей Беларусі перажывае эпоху адраджэння. Так лічыць яго кіраўнік Уладзімір Пракапцоў. Сёння наведвальнікам адкрыты не толькі экспазіцыйныя залы, але і майстэрні рэстаўратараў. Да 2019-га года завершыцца будаўніцтва музейнага квартала. Тады ж установа культуры адзначыць сваё 80-годдзе. А зараз музей актыўна рыхтуецца да выставы "Суверэнная Беларусь вачамі мастакоў".
Уладзімір Пракапцоў, гендырэктар Нацыянальнага мастацкага музея Беларусі:
"Гэта набытыя музеем за 25 гадоў мастацкія творы, якія будуць прадстаўлены на выставе праз два месяцы. Яна пачне працаваць у пачатку чэрвеня. На ёй будуць сабраныя каля 80 твораў. Таксама мы плануем выставу беларускіх мастакоў у Нацыянальным музеі Кітая. Там будуць прапанаваны 60 твораў. Рыхтуемся да выставы нашых ікон у музеі Ватыкана".
Самымі папулярнымі выставамі за мінулы час сталі "Мастакі Парыжскай школы з Беларусі", а таксама "10 стагоддзяў мастацтва Беларусі". Падрабязнасці аб развіцці музея шукайце ў раздзеле "Анлайн-канферэнцыя" на сайце tvr.by.
