Сёння Белтэлерадыёкампанія правядзе адбор заявак для нацыянальнага фіналу песень "Еўрабачання". Кастынг пачнецца па вуліцы Макаёнка, 9 апоўдні.
На адрас нашага медыяхолдынга - удзельніка Еўрапейскага Вяшчальнага Саюза - прыйшло 67 заявак, якія адпавядаюць рэгламенту. Сярод удзельнікаў як сольныя выканаўцы, так і калектывы, прычым не толькі з Беларусі, але і з Расіі, Украіны, Латвіі, Туркменістана і нават Нігерыі. Да вечара прафесійнае журы адбярэ не больш чым 15 артыстаў для фінальнага гала-канцэрта. Тады ж гледачы і журы сумесна выберуць прадстаўніка нашай краіны на "Еўрабачанні-2017", якое пройдзе ў маі ў Кіеве.
Прамую трансляцыю сённяшняга кастынгу будзе весці сайт tvr.by, а выніковы спіс фіналістаў, як чакаецца, будзе аб’яўлены сёння ў "Панараме".
