Уладальнік 4-х прэмій Грэмі, мультыінструменталіст. На гэтым тыдні амерыканскі рок-музыкант прапанаваў сваю новую песню The Chamber - першы сінгл з яго дзясятага за кар'еру альбома. У той жа дзень артыст аб'явіў аб сваім сусветным турнэ ў падтрымку пласцінкі па 40 гарадах Еўропы, Расіі і Вялікабрытаніі. У тур увайшла і сталіца Беларусі.
Ці варта пайсці на канцэрт легенды, даведвалася Ніна Мажэйка.
Акцэнт на інструментоўку і мінімум дэкарацый. Сусветнае турнэ ў падтрымку новага альбома THE STRUT (што ў перакладзе з англійскай азначае стойка або важная паходка) пачнецца з Масквы. Важная персона Лені Кравіц даедзе да Мінска 1 лістапада. Нядаўна на адным з парталаў спявак апублікаваў лірык відэа, г.з. з тэкстам новага твора, да адной з загалоўных песень альбома - The Chamber.
У запісе новага альбома ўдзельнічаў Кравіц і толькі Кравіц. Мультыінструменталіст выканаў сваю вакальную партыю і сыграў партыі баса, гітар, клавішных, ударных, пяркусіі, а таксама выступіў саўнд-прадзюсарам і аранжыроўшчыкам. Дарэчы, Леанарда або Лені шануюць не толькі за музычны талент, за акцёрскі таксама. Яго кліпы - сапраўдныя кароткаметражныя фільмы. Здымацца ў Кравіца згодна сама Міла Ёвавіч.
Займець зорку такога маштабу імкнуліся многія агенцтвы Мінска. За апошнія дзесяць гадоў гэты кірунак шоу-бізнесу стаў асабліва папулярны. Галоўныя сталічныя пляцоўкі распісаныя. Попыт ёсць, а значыць і прапанова.
Канкурэнцыя на беларускім рынку расце. Барацьба за зорку разгарнулася неабыякая. Прывезці ў Мінск легендарнага Кравіца хацелі адразу некалькі сталічных канцэртных агенцтваў. Тэндар выйграла толькі адна кампанія-арганізатар.
Андрэй Аляксееў, кіраўнік канцэртнага агенцтва Атам Інтэртэйнмент: Прывоз такога ўзроўню артыстаў крыху павышае ўзровень культуры і грамадзян нашай краіны, гэта першае. А другое, ні для каго не сакрэт, артыстам падабаецца працаваць у Беларусі, таму што ў нас вельмі адкрытая публіка. Калі ім падабаецца тое, што артыст робіць на сцэне, яны аддаюць яму ўсё цяпло.
Зорка без райдара. У пераносным сэнсе. Спявак насуперак статусу і іміджу непатрабавальны. Галоўнае для зоркі - якасць выступлення. Канцэртная пляцоўка будзе падзелена на некалькі сектараў. Сцэна, танцпляцоўка і фанзона.
Аляксандр Манышаў, тэхнічны дырэктар канцэртнага агенцтва Атам Интэртэйнмент: Райдар тэхнічны і бытавы мы пакуль не атрымалі. Ён літаральна будзе праз тыдзень. Тое, што вядома: усё абсталяванне будзе прывозіцца з-за мяжы - туравае абсталяванне. Туды ўваходзіць гукавое абсталяванне на вышэйшым узроўні, светлавое абсталяванне, экраны, дэкарацыі, пастановачнае святло, сцэна.
Білеты на канцэрт Лені Кравіца паступяць у продаж з 27 чэрвеня. Іх можна будзе набыць альбо ў арганізатараў, альбо на сайтах усіх білетных аператараў і ў касах горада.
