У Нацыянальным мастацкім музеі прэзентавалі 14-ю выставу "Рака часу"

27 июня 2020
Амаль сотня невядомых карцін  на галоўных сценах Нацыянальнага мастацкага. У музеі прэзентавалі 14-ю выставу "Рака часу". У канцэпцыі   паказаць работы юбіляраў, чые шэдэўры не выстаўляліся дзесяцігоддзямі. Гэтым разам  мікс партрэтаў, пейзажаў і скульптур 60 майстроў дарэвалюцыйнай і савецкай беларускай эпохі.

Карціны юбіляраў 2020 года - у галоўнай галерэі Нацыянальнага мастацкага

У галоўнай галерэі Нацыянальнага мастацкага ўсе 90 карцін   як паштоўкі з віншаваннямі. Тут экспануюцца юбіляры 2020 года. Яны і стваралі беларускую мастацкую школу. Многія шырокай публіцы невядомыя. Як, напрыклад, украінскі мастак Лазарчук. Работу  "Хлопчык"  ніхто не бачыў з 1908 года.

Старыя работы адрэстаўравалі

Тады была Мінская мастацкая выстава. Пасля вайны карціну вярнулі з Германіі і схавалі ў запаснікі. Перш чым прэзентаваць гледачу праз стагоддзе, рэстаўратары навялі глянец. Такая біяграфія  ў большасці карцін тут. Распакавалі са стэлажоў невядомае: ад дарэвалюцыйнага рэалізму да вольнай абстракцыі. 

Ніць выставы - у індывідуальнасці мастакоў і храналогіі

Валянціна Вайцяхоўская, вядучы навуковы супрацоўнік Нацыянальнага мастацкага музея Беларусі: "Ніць увогуле адна - гэта індывідуальнасць мастакоў і храналогія. А ў што гэта ўсё складзецца, якім узорам калейдаскопа - непрадказальна. Усё гэта калісьці экспанавалася. Калі не ўсё, то абсалютная большасць. Але гэта было вельмі даўно, гэта дзесяцігоддзі".

У экспазіцыі  работы Галіны Русак і Тамары Стагановіч

Кожны ўдзельнік выставы альбо доўгі час працаваў у Беларусі, альбо нарадзіўся, але  пазней  дарыў краіне сваё мастацтва, маючы замежны пашпарт. Напрыклад, у Злучаных Штатах апынуліся ўраджэнкі Навагрудка Галіна Русак і Тамара Стагановіч. Сёння іх беларуска-амерыканскай творчасці  -  асобны куток.

240 гадоў з дня нараджэння мастака Яна Дамеля

Самы вялікі юбілей  у класіка Яна Дамеля - 240 гадоў з дня нараджэння. Апошнія гады жыцця беларуска-літоўска-польскі мастак правёў у Мінску. Убачыць яго гістарычныя шэдэўры можна зараз  у пастаяннай экспазіцыі музея.