Амаль 15 гадзін бесперапыннай працы, яркія вобразы і экстрэмальная харэаграфія. У Маскве адбыліся здымкі кліпа на песню "Like it". Менавіта з гэтай кампазіцыяй ЗЕНА прадставіць Беларусь на "Еўрабачанні-2019". Пастаноўшчык кліпа і нумара - вядомы ва Украіне рэжысёр Андрэй Цар. У 2009 ён ставіў харэаграфію да нумара спявачкі Лабады. ЗЕНА - адна з самых юных удзельніц конкурсу, ёй нядаўна споўнілася 16. Кліп будзе своеасаблівым кактэйлем, дзе харызма дзяўчыны спалучаецца з моладзевымі музычнымі і танцавальнымі плынямі.
На нацыянальным адборы ЗЕНА пакарыла прафесійнае журы. Спявачка набрала 69 з 70 балаў. У маі яна прадставіць Беларусь у Ізраілі на конкурсе "Еўрабачанне". У першым паўфінале ЗЕНА выступіць пад нумарам 8. Фінал адбудзецца ў Тэль-Авіве 18 мая.