Эстрадная экспедыцыя ў Магілёве. Тут стартаваў праект Моладзевага тэатра эстрады "Беларусь - краіна талентаў". Артысты правялі творчую сустрэчу з выхаванцамі спецыяльнай школы закрытага тыпу і падарылі канцэртную праграму. А навучэнцы парадавалі артыстаў сваёй творчасцю.
Сяргей Мядзведзеў, дырэктар Моладзевага тэатра эстрады: "У тых рэгіёнах, у якіх мы пабываем, змогуць паказаць нам свае таленавітыя нумары, таленавітых дзяцей, моладзь, выканаўцаў. Мы іх з задавальненнем выслухаем. І завяршальным этапам мы плануем правесці вялікі гала-канцэрт на тэрыторыі сталіцы, у Тэатры эстрады".
Эстрадная экспедыцыя пройдзе па ўсіх рэгіёнах Беларусі. Дзякуючы гэтаму праекту ў таленавітай моладзі ёсць магчымасць паказаць свае здольнасці шырокай аўдыторыі.