У Мінскім дзяржаўным каледжы мастацтваў завяршаецца адборачны тур Мінскай вобласці на 27-ы Міжнародны конкурс выканаўцаў эстраднай песні "Віцебск" і 16-ты Міжнародны дзіцячы музычны конкурс, якія пройдуць у ліпені ў рамках фестывалю мастацтваў "Славянскі базар". Кожны раён вобласці можа прадставіць не больш за тры канкурсанты. У адборы ўдзельнічаюць 14 дзяцей ва ўзросце ад 9 да 12 гадоў і 19 дарослых. У гэтай катэгорыі самаму маладому выканаўцу 19 гадоў, а самаму старэйшаму - 27 . Канкурсанты прапануюць па дзве песні. Адна на беларускай мове, другая - сусветны шлягер. Выступленні праходзяць пад фанаграму - мінус адзін. Журы адбярэ па пяць прэтэндэнтаў для дзіцячага і дарослага конкурсаў.
Абласныя адборачныя туры пройдуць да сярэдзіны снежня. Завершыць іх горад Мінск 16 чысла. І не пазней за 25 студзеня Беларусь назаве імёны нашых прадстаўнікоў на міжнародныя вакальныя спаборніцтвы ў Віцебску.
