Сусветная прэм'ера на сцэне Беларускай дзяржаўнай акадэміі музыкі. Сёння ў сталіцы стартаваў Міжнародны музычны фестываль, прысвечаны 200-годдзю з дня нараджэння Станіслава Манюшкі. Адкрыў марафон дэбютны оперны твор кампазітара "Галька". І менавіта са студэнцкай сцэны гэты твор упершыню гучыць на беларускай мове. Наперадзе фестывальнага тыдня - канцэрт Акадэміі музыкі сумесна з салістамі Вялікага тэатра і вечар лаўрэатаў першага Рэспубліканскага конкурсу вакалістаў імя Манюшкі.
Завершыць першы Міжнародны форум - канцэрт з цыкла "Вечар кансерваторыі" ў сталічнай філармоніі. Упершыню ў Беларусі прагучаць "Крымскія санеты" ў выкананні хору Кракаўскай музычнай акадэміі.
