Мода дыктуе свае правілы. А хто дыктуе правілы модзе? Напярэдадні ў Мінску сталі вядомыя вынікі галоўнага фэшэн-конкурсу краіны. 17 лепшых калекцый з 88. Зусім хутка яны адправяцца на подыум у Кракаў.
Расказвае Юлія Грызунт. Аляксандра Казлоўская прыйшла на "Млын моды" ўпершыню. Для фэсту малады дызайнер таксама стаў першым падобным выпадкам - дзяўчыне ўсяго 13 гадоў. Нягледзячы на гэта, трэцяе месца ў намінацыі "Жаночае адзенне".
Эксперты адзначаюць: такія колеры сапраўды ў трэндзе. Лёгкія адценні і натуральная тканіна. Сучасныя моднікі ўсё часцей аддаюць перавагу прыгажосці. У гэтага простага стылю ўжо ёсць свая назва - "інтэлектуальнае адзенне". Дарэчы, на "Млыне моды" можна сустрэць і мэтраў фэшэн-індустрыі, якія ў гэты раз не паказваюць свае калекцыі, а ўжо перадаюць свой вопыт новаму пакаленню дызайнераў.
Для Дар'і Барко "Млын моды-2016" юбілейны ўдвая - яе калекцыя прадстаўленая на фэсце ўжо ў 5-ы раз. Гэтая дзяўчына шукала натхненне не на старонках модных часопісаў - яе музай сталі вершы Пушкіна і Ясеніна. Мікс моды і паэзіі прынёс дызайнеру першае месца.
Паміж паказамі на фінале выступілі вядомыя беларускія артысты. Акрамя таго, тут можна было ўбачыць і гасцявыя калекцыі з Масквы, Мілана, Вільнюса, Кракава, Рыгі і Рыма. А пачаўся фінальны паказ з прац пераможцаў.
З 600 дызайнераў да фіналу дайшлі 88 калекцый. 17 з іх зараз пераможцы юбілейнага "Млына моды - 2016". Зусім хутка гэтыя працы можна будзе ўбачыць на подыуме ў Кракаве, акрамя таго, усе прызёры адправяцца на стажыроўку ў лепшыя модныя школы Еўропы.
