Першынство акадэмічнага вакалу для юных выканаўцаў. У Мінску праходзіць Міжнародны конкурс вакальнага майстэрства імя Шаляпіна. Больш за 3 дзясяткі канкурсантаў ад 9 да 18 гадоў выступаюць на сцэне канцэртнай залы “Верхні горад”. У рамках конкурсу ў Беларускай дзяржаўнай акадэміі музыкі адбыўся майстар-клас ад знакамітага сербскага выканаўца і прафесара Браніслава Яціча. Дарэчы, ён з'яўляецца ганаровым старшынёй Шаляпінскага таварыства Сербіі.
Конкурс прысвечаны 145-годдзю з дня нараджэння Фёдара Шаляпіна. Вынікі музычнага форуму падвядуць ужо сёння. Урачыстасць песні завершыцца гала-канцэртам з удзелам лаўрэатаў.
