Дакумент, з якога пачалася Рэч Паспалітая, пакажуць у Мінску. Кансерватарскую копію акта пагаднення паміж Польскай каронай і Вялікім княствам Літоўскім прэзентуюць да 450-годдзя з моманту падпісання Люблінскай уніі. Рэпліка прыехала з Польскага музея гісторыі. Экспазіцыю папоўняць гістарычныя хронікі, а таксама статут ВКЛ 1588 года з фондаў навуковай бібліятэкі Якуба Коласа.
Акунуцца ў адну з ключавых гістарычных падзей Усходняй Еўропы наведвальнікам дапаможа і рэпрадукцыя карціны Яна Мацейкі. На палатне аўтар намаляваў фактычна ўсю палітычную эліту часу ў зале Люблінскага замка ў момант падпісання акта.
У Мінску пакажуць дакладную копію акта Люблінскай уніі
22 октября 2019