У Мінску адкрыўся фестываль "Лістапад"

Галоўная кінападзея восені - юбілейны "Лістапад" - стартавала. У гэтыя хвіліны ў кінатэатры "Цэнтральны" праходзіць прэс-паказ фільма "Халодная вайна" Паўла Паўлікоўскі. А ўжо ўвечар у кінатэатры "Масква" адбудзецца ўрачыстая цырымонія адкрыцця XXV Мінскага міжнароднага фестывалю. Па чырвонай дарожцы пройдуць члены журы, стваральнікі фільмаў і ганаровыя госці "Лістапада" Святлана Немаляева і Рустам Сагдулаеў. Па традыцыі на сцэне будзе ўручаны прыз Прэзідэнта Беларусі "За захаванне і развіццё традыцый духоўнасці ў кінамастацтве".