У Мінску адкрылася выстава Уладзіміра Ісачанкі

23 Сакавіка 2020
У Мінску адкрылася персанальная выстава Уладзіміра Ісачанкі. У галерэі "Універсітэт культуры" мастак прапанаваў 3 дзясяткі работ. Яны створаныя за апошнія 15 гадоў і раскрываюць аўтара з новага боку. Мастак, які першапачаткова зрабіў сабе імя як партрэтыст і пейзажыст, сёння рэалізуе сябе ў духоўным жывапісе. Ён піша іконы і сакральныя карціны. У экспазіцыі прапанаваныя работы, прысвечаныя лікам хрысціянскіх святых і праваслаўным царкоўным служкам, якія пацярпелі за сваю веру ў 1940-х гадах.

Уладзімір Ісачанка прымеркаваў вернісаж да Вялікага посту, а таксама да надыходзячага свята Вялікадня, які сёлета ў праваслаўных хрысціян выпадае на 19 красавіка.