Майстры прадэманстравалі партрэты і нацюрморты, выкананыя ў старадаўняй тэхніцы мокрага калодыю. Спецыфічнаму спосабу стварэння фота ўжо 160 гадоў. Сутнасць тэхнікі заключаецца ў атрыманні выяў на шкляных пласцінах. Каб зрабіць здымак і праявіць яго, у фатографа ёсць 15 хвілін, потым калодый высыхае. Зараз у Беларусі такім відам мастацтва займаюцца толькі 6 аўтараў.
Увесь наступны год экспазіцыя будзе вандраваць па розных рэгіёнах Беларусі. Падчас выставы пройдуць майстар-класы па стварэнні фотаздымкаў.
