Аб найважнейшым перыядзе нацыянальнай гісторыі. У Мінску сёння анансавалі выхад у свет першай з пяці кніг аб гісторыі беларускай дзяржаўнасці. Ужо бліжэй да новага года яе аддрукуюць тыражом не менш як тысяча экзэмпляраў.
У дэбютным выданні - адкрыццё навукоўцаў Інстытута гісторыі: першыя славяне на тэрыторыі Беларусі з'явіліся не ў 6-м стагоддзі, а на два стагоддзі раней. Плануецца, што азнаёміцца з кнігай можна будзе ў школьных і бібліятэках ВНУ. Серыя ахопіць перыяды ад старажытнасці да найноўшага часу.
Кожная кніга адлюстроўвае станаўленне беларускай дзяржаўнасці ў той або іншы перыяд часу. Выданне астатніх чатырох тамоў запланавана на наступны год. Яго прымяркуюць да стагоддзя з Дня ўтварэння БССР.
