Еўратыдзень у Мальмё пачаўся на дзень раней. Грандыёзную вечарынку за суткі да афіцыйнага старту конкурсу арганізавала беларуская дэлегацыя. Нашы журналісты ў Швецыі сустрэліся з самымі зорнымі гасцямі і першымі пачулі новую версію песні Салеа.
Расказвае Яўген Перлін: Беларускую вечарынку ў Мальмё чакалі ледзь не больш, чым адкрыццё еўраклуба. Чуткі пра пачастункі з Мінска дайшлі нават да журналістаў з Аўстраліі, якія працуюць тут. І сабраліся ледзь не ўсе ўдзельнікі першага паўфіналу.
Вечарынка ў разгары. Прыйшлі ўдзельнікі ад Расіі, Ірландыі, Аўстрыі, Азербайджана, Македоніі. Еўропа дачакалася выбуху эмоцый.
Пазней з'явіліся ірландцы, чарнагорцы, азербайджанцы, харваты.
Госці па чарзе выступілі са сваімі конкурснымі песнямі, якім зала ўжо падпявала. І ўсе жадалі перамогі Алёне.
Прыйшло і шмат шведскіх знакамітасцяў. Папулярная тэлевядучая і экс-салістка гурта A-Teens Мары Сернехольт пажадала Беларусі ўдачы на Еўрабачанні.
Пасля зорнага разагрэву бэк-вакалісты Алёны Ланской упершыню прадэманстравалі акустычную версію песні Салеа, якую зала сустрэла апладысментамі.
А адразу за гэтым мікрафон узяла і Алёна. Толькі жывы гук. Разам залай. Танцаваў увесь еўраклуб.
Не абышлося сёння і без сюрпрызаў. З надыходам ночы дзень нараджэння адзначыла бэк-вакалістка Алёны Марыя Лазіч. Такога віншавання яна не чакала... На сцэне спявалі Happy Birthday!
Пачынаецца новы тыдзень. Заўтра адкрыццё еўратыдня.
