У Летнім амфітэатры Віцебска афіцыйна стартуе "Славянскі базар"

11 Ліпеня 2019

У гэтыя хвіліны ў Летнім амфітэатры Віцебска афіцыйна стартуе галоўная музычная і культурная падзея лета. Міжнародны фестываль мастацтваў "Славянскі базар". Гэта найбуйнейшы ў Беларусі творчы форум. Ён даўно перасягнуў межы славянскага свету і сёння аб'ядноўвае краіны і кантыненты. У афішы - толькі зоркі. А мерапрыемствы, як гаворыцца, на любы густ і ўзрост. І прама зараз з поўным аншлагам пачынаецца ўрачыстае адкрыццё "Славянскага базару ў Віцебску". І зараз мы пераносімся ў эпіцэнтр фестывальнай атмасферы. З намі на прамой сувязі Лідзія Заблоцкая.

Віцебск ужо ахопліваюць музычныя імпульсы. "Славянскі базар" - галоўны лейтматыў гэтага лета - сабраў больш як 5 тысяч гасцей з 42 краін. Сёння тут, у Летнім амфітэатры, выступяць больш за паўсотню артыстаў. Гэта і ўладальнік "Грэмі" Марлаў Расада з ЗША, шведскі выканавец Босан, Валерый Лявонцьеў, Тамара Гвердцытэлі, Стас Міхайлаў і іншыя выканаўцы. Усе яны на працягу дня рэпеціравалі на сцэне амфітэатра. Мы таксама былі ў амфітэатры і пагутарылі з гасцямі.

Чаканы і вельмі кранальны нумар Дзяніса Клявера з некалькімі саставамі дзіцячых калектываў Беларусі. Таксама будзе ўручаны прыз Прэзідэнта Беларусі  "Праз мастацтва - да міру і ўзаемаразумення". Сёлета яго атрымае Таісія Павалій. Асноўная тэма канцэрта аб сямейных каштоўнасцях, і прысвечаны ён малой радзіме. Пад гэтую тэматыку спецыяльна фарміравалі плэйліст. Дарэчы, усё абсталяванне (а гэта 300 тон або 11 грузавікоў) прывезлі з Масквы. Фактычна ўся сцэна - гэта мультымедыйныя экраны. Убачыць усё вы зможаце ўжо пасля "Панарамы" ў 22:00. Наша здымачная група працягне працаваць за кулісамі адкрыцця. 


Папулярныя

Рэкамендуемыя