Калісьці гэты старажытны абрад быў папулярны ў шматлікіх рэгіёнах Беларусі. Падчас жартоўнай гульні, якая суправаджалася песнямі і танцамі, маладыя людзі знаёміліся і стваралі пары. Шматлікіх з іх пасля станавіліся сапраўднай сям'ёй. Гульня "Жаніцьба Цярэшкі" прызнана гісторыка-культурнай каштоўнасцю Беларусі і захоўваецца па сённяшні дзень. Вялікую цікавасць абрад выклікае ў замежных турыстаў і фалькларыстаў. Усе тонкасці старажытнай гульні ў сучасных умовах вывучыла і Марына Раманоўская.
Жыхарка вёскі Старое Лядна Надзея Бардзілоўская і сёння добра памятае, як у маладосці "Жаніла Цярэшку". Старадаўняя гульня збірала юнакоў і дзяўчат з усёй акругі. Абрад праходзіў позна вечарам і толькі на калядныя святы.
“Жанілі Цярэшку” яшчэ ў X стагоддзі. Самабытны абрад быў папулярным у многіх рэгіёнах Беларусі. У жывой традыцыі жартоўнае вяселле зараз спраўляюць толькі ў Лепельскім раёне.
Дзеянне - не тэатралізацыя. І сцэнарый тут не пішуць.
У хаце, як і патрабуе жаніцьба, шмат гасцей. Прыехалі з усёй Беларусі. У карагодзе дзясяткі пар. Удзельнічаюць у гульні і жанатыя, і халастыя. Вядуць абрад “маці” з “бацькам”. Гульня суправаджаецца вясёлымі танцамі і песнямі. Абавязкова пад гармонь і бубен.
Да "Жаніцьбы Цярэшкі" заўжды рыхтаваліся загадзя. Для нашых продкаў гэты абрад быў не проста вясёлай гульнёй. Лічылася, што такое жартоўнае вяселле ні што іншае, як рэпетыцыя сапраўднага.
Валянціна Крыцкая абрад ведае дасканала. І верыць, што гульня гульнёй, але на практыцы ён і сапраўды працуе. Многія сямейныя пары з Лепельскага раёна знаёміліся менавіта падчас “Жаніцьбы Цярэшкі”. Гульня, дарэчы, прызнана гісторыка-культурнай каштоўнасцю Беларусі.
У Лепельскім раёне старадаўнюю гульню праводзяць кожны год. Паўдзельнічаць прыязджаюць нават з-за мяжы. Нядаўна фалькларысты з Германіі знялі фільм пра беларускую “Жаніцьбу Цярэшкі”. Абрадам зацікавіліся яшчэ больш турыстаў.
