Беларусь вачамі брытанскага архітэктара. У каледжы Вулфсана Кембрыджскага ўніверсітэта адкрылася выстава Цзывая Со. Экспазіцыя дэманструе 10 праектаў аўтара. Большасць з іх прысвечаныя нашай гісторыі і культуры. Прадстаўлены малюнкі помнікаў архітэктуры Беларусі. Аўтар зрабіў іх падчас падарожжаў па нашай краіне. Таксама ў экспазіцыі і макеты праектаў Цзывая Со. Сярод іх - мадэль беларускай царквы ў Лондане. Драўляная капліца была збудаваная ў сталіцы Вялікабрытаніі ў 2016 годзе і паспела заваяваць мноства ўзнагарод. Так летась царква была прызнаная лепшым рэлігійным будынкам.
Архітэктар выкладае ў Вестмінстэрскім універсітэце. У планах Цзывая Со - прывезці ў Беларусь групу сваіх студэнтаў, каб пазнаёміць з нашай архітэктурнай школай.
У каледжы Вулфсана Кембрыджскага ўніверсітэта адкрылася выстава Цзывая Со
4 июля 2019