У Ізраілі назвалі гарады - прэтэндэнты на правядзенне конкурсу "Еўрабачанне" ў 2019 годзе

Гэта Іерусалім, Тэль-Авіў, Хайфа і Эйлат. Права правядзення песеннага фестывалю гэтая краіна атрымала пасля перамогі яе спявачкі Неты Барзілай. Плануецца, што на "Еўрабачанне" Ізраіль патраціць ад 16 да 22 мільёнаў долараў. Першапачаткова планавалася, што конкурс павінен адбыцца ў Іерусаліме. Аднак гэта выклікала крытыку з боку многіх краін - статус Іерусаліма дагэтуль застаецца спрэчным.