Гісторыю даўно спісаных прадметаў запрашае паглядзець выстава жывапісу Слоікі-шклянкі ў мастацкай галерэі Універсітэт культуры. Старыя, даўно спісаныя з уліку і забытыя флаконы са шкіпінарам, вытанчаныя келіхі і таўстапузыя збаны. Кожны твор - сапраўдная гісторыя.
Васіль Пяшкун, аўтар выставы: Усё маё дзяцінства прайшло ў вёсцы. І ўсе прадметы, якія я намаляваў у гэтых работах, нагадваюць мне пра дзяцінства і пераносяць мяне ад горада, ад мітусні ў нешта спакойнае.
Аўтар экспазіцыі, мастак Васіль Пяшкун, удзельнік шматлікіх рэспубліканскіх і міжнародных выстаў. Яго работы знаходзяцца ў Музеі сучаснага рускага мастацтва ў Джэрсі-Сіці, прыватных калекцыях Беларусі, Ізраіля, Францыі і іншых краін свету.
