У галерэі Міхаіла Савіцкага адкрылася выстава, прымеркаваная да 75-годдзя Перамогі ў Вялікай Айчыннай вайне

Хроніка мірнага Мінска на мове выяўленчага мастацтва. У сталічнай галерэі Міхаіла Савіцкага адкрылася выстава, прымеркаваная да 75-годдзя Перамогі ў Вялікай Айчыннай вайне. Экспазіцыі ахопліваюць перыяд ад 40-х гадоў да цяперашняга часу. Работы паказваюць, як змяняўся і развіваўся горад. У творах знайшлі адлюстраванне будаўніцтва новых раёнаў, адраджэнне гістарычнага цэнтра, сталічныя святы. Выстаўлены карціны мастакоў розных пакаленняў: Барыса Аракчэева, Леаніда Шчамялёва, Уладзіміра Тоўсціка, Васіля Пешкуна, Уладзіміра Пракапцова.

Выстава прысвечана 10-годдзю Музея гісторыі горада Мінска. За гэты перыяд фондавыя калекцыі перавысілі 14 тысяч адзінак захоўвання.