У Брэсце сёння пачынаецца кастынг на ўдзел у адным з самых вядомых міжнародных фестываляў - Славянскім базары ў Віцебску. Адбор пройдзе па дзвюх намінацыях: конкурс выканаўцаў эстраднай песні і дзіцячы музычны конкурс.
Для тых, хто жадае перамагчы ў адборачным туры, сёння галоўная пляцоўка ў Брэсцкім культурным цэнтры.
А вось Летні амфітэатр у Віцебску ўжо 23 гады запар - знакавая сцэна для многіх артыстаў. Своеасаблівы трамплін у свет вялікага шоу-бізнесу. Свае першыя крокі ў Віцебску калісьці зрабілі ўжо вядомыя ўсім Аляксей Гоман, Дзмітрый Калдун, Гюнеш, Наталля Падольская, Дзіяна Гурцкая. Фестываль не толькі збірае знакамітых зорак, але і запальвае новыя.
Наталля Більцэвіч, метадыст Брэсцкага абласнога грамадска-культурнага цэнтра: Гэта выканаўцы ў дзвюх узроставых катэгорыях: дзеці ад 7 да 12 гадоў і дарослыя ад 18 да 31 года. Гэта практычна прадстаўнікі ўсіх раёнаў Брэсцкай вобласці. Абласным журы будзе адабрана па пяць чалавек у кожнай узроставай катэгорыі, якім будзе рэкамендавана паспытаць свае сілы і адправіць заяўкі ўжо ў наступных турах гэтых конкурсаў.
У Брэсцкай вобласці ад канкурсантаў на гэты адборачны тур пададзена больш за 60 заявак. Ужо заўтра свае сілы на кастынгу паспытаюць жыхары Гродна. 13 лістапада адбор пройдзе ў Віцебску. Затым у Магілёве і Гомелі. У сталіцы адборачны тур прадоўжыцца два дні.
Пераможцы прадставяць Беларусь на дзіцячым музычным конкурсе і конкурсе выканаўцаў эстраднай песні на XXIV Міжнародным фестывалі Славянскі базар у Віцебску.
