У Белтэлерадыёкампаніі праходзіць мантаж сцэны для фіналу адбору на дзіцячае "Еўрабачанне-2019"

Гэтымі хвілінамі ў Белтэлерадыёкампаніі праходзіць мантаж сцэны для фіналу нацыянальнага адбору на дзіцячае "Еўрабачанне-2019". Каманда медыяхолдынга ўстанаўлівае святлодыёдныя экраны, дэкарацыі, светлавое і гукавое абсталяванне ў студыі "600 метраў". Менавіта адтуль будзе весціся прамая трансляцыя шоу. Ужо вечарам на пляцоўку ўпершыню паднімуцца фіналісты. У кожнага з 10 прэтэндэнтаў на перамогу будзе 20 хвілін, каб выпрабаваць сцэну. Асноўныя рэпетыцыі вызначаныя на заўтра. 

Нагадаем, выніковы гала-канцэрт праекта пройдзе ў рэжыме жывога гуку ў пятніцу, 20 верасня. Яго трансляцыю ў 22:00 пачнуць весці тэлеканалы "Беларусь 1" і "Беларусь 24", а таксама сайт tvr.by. Пераможца праекта прадставіць нашу краіну на дзіцячым “Еўрабачанні-2019”, якое пройдзе ў лістападзе ў польскім горадзе Глівіцэ.