У гэтыя хвіліны ў студыі "600 метраў" Белтэлерадыёкампаніі праходзіць першая рэпетыцыя фіналу нацыянальнага адбору на конкурс. У кожнага ўдзельніка ёсць паўгадзіны на тое, каб некалькі разоў выканаць свой нумар пад прыцэлам тэлекамер, наладзіць гук, унесці карэкціроўкі. З артыстамі працуе каманда прафесіяналаў Белтэлерадыёкампаніі, якая і з'яўляецца арганізатарам праекта, як адзіны прадстаўнік Еўрапейскага Вяшчальнага Саюза ў нашай краіне. Дарэчы, упершыню ў гісторыі праекта ў гледачоў будзе магчымасць назіраць за бэкстэйджам. Артысты будуць хвалявацца перад выхадам на сцэну, чакаць вынікаў галасавання пад прыцэлам тэлекамер у спецыяльна адведзеным месцы - Green Room.
Хто паедзе на "Еўрабачанне-2017", стане вядома ўжо заўтра. Прамая трансляцыя фіналу пачнецца ў 22 гадзіны на тэлеканалах "Беларусь 1" і спадарожнікавым "Беларусь 24". Пераможца выберуць гледачы і журы. Лідар галасавання адправіцца на міжнародны конкурс, які адбудзецца ў маі ў Кіеве.
