Мінск на чатыры дні стаў цэнтрам цыркавога мастацтва. У гэтыя хвіліны ў Белдзяржцырку праходзіць урачыстае адкрыццё I міжнароднага фестывалю. Артысты сусветнага маштабу з 16 краін прадэманструюць свае непаўторныя трукі. Многія з іх рыхтавалі спецыяльна для конкурснай праграмы. На арэне - амерыканскія жанглёры, пад купалам - паветраныя гімнасты з Узбекістана, а пад заслону выйдуць нубійскія львы і бенгальскія тыгры з Егіпта.
Лепшыя нумары ўвойдуць у гала-канцэрт. А пераможца атрымае эмблему фестывалю - унікальны цыркавы цыліндр у мастацкім шкле.
