Іна Пілевіч перадае.
Працоўны графік адмяняецца! Сёння яны не зачыняюць свае дзверы як звычайна а 19 гадзіне. Усю ноч у музеях краіны наплыў культурных пілігрымаў.
Каб трапіць сюды, набывалі білеты загадзя, а чаргу займалі яшчэ днём. Ланцужок жадаючых правесці ноч у Нацыянальным мастацкім музеі больш паходзіць на шоу фрыкаў. Наведвальнікі эпаціруюць экстравагантнымі акулярамі і абуткам. Менавіта такі дрэс-код дазваляе бясплатна зайсці ў сядзібу Шляхціча Завальні. На цёмны час сутак у Нацмузеі ажылі героі вядомага твора Яна Баршчэўскага. Дарэчы, у якасці галоўнага персанажа выступае непасрэдна дырэктар выставачнай пляцоўкі.
Задзейнічаны не толькі будынкі, але і дворыкі музеяў. У гэтую ноч галерэі дэманструюць усё, на што здольны. Можна ўбачыць карціны ў 3Д, сфатаграфавацца з жывой скульптурай і нават адшукаць папараць-кветку. Як класікаў, так і сучасных аўтараў, можна разглядзець пад джаз, рэгі, фолк. Музыканты іграюць проста сярод экспанатаў. Не клаліся спаць і самыя маленькія. У большасці музеяў арганізаваны праграмы для дзяцей з мультыкамі, клоўнамі і падарункамі.
Цэнтр сталіцы - як адзін музейны квартал. Паляўнічыя на шэдэўры мастацтва на свой густ складалі маршрут па выставачных пляцоўках. І калі ў Мінску не спала некалькі дзясяткаў галерэй, то па ўсей Беларусі да раніцы працавала больш за сотню музеяў.
Дзявяты раз Беларусь далучылася да міжнароднай акцыі Ноч музеяў
19 мая 2013
Маштаб мерапрыемства быў настолькі вялікі, што ацаніць у поўнай меры ўсе прапанаваныя праграмы было даволі праблематычна.