Па дарозе ў Балівуд. Творчы вечар Святланы Агарвал сабраў аматараў індыйскай музыкі ў Моладзевым тэатры эстрады. Рэпертуар выканаўцы, якая спявае на хіндзі, гэта не толькі кавер-версіі вядомых індыйскіх хітоў, але і аўтарскія кампазіцыі. Іх актыўна раціруюць у эфіры абедзвюх краін. На сцэне спявачку падтрымалі калегі па музычным цэху - Надзея Мікуліч, Аляксандр Саладуха, Іскуі Абалян і іншыя.
Святлана Агарвал, спявачка: "У мяне, першым чынам, стаіць задача зліцця дзвюх культур. Бо для творчасці ў прынцыпе няма ніякіх меж. Таму я нават адчуваю сябе нейкім кур'ерам паміж дзвюма краінамі - Індыяй і Беларуссю. Прыязджаючы ў Індыю, я выконваю песні на рускай, беларускай мове. Прыязджаючы сюды, я спяваю на хіндзі, і мне гэта вельмі падабаецца".
Ужо восенню артыстка пачне працаваць над новым сольным альбомам. У пласцінку ўвойдуць беларускамоўныя сінглы з індыйскімі матывамі.
Творчы вечар Святланы Агарвал сабраў аматараў індыйскай музыкі
8 июня 2019