Што падарылі Тэа госці хлапечніка, ведае Яўген Перлін.
Вечарынка Тэа сабрала ў Мінску самых блізкіх яго сяброў, беларускіх зорак, прэсу і проста людзей, якія любяць Еўрабачанне. Гэта афіцыйныя праводзіны беларуса ў Данію.
Гэты хлапечнік можна па праве назваць самай медыйнай вечарынкай года. Шчыльнасць вядомых асоб на квадратны метр зашкальвала. Тэа віншавалі не толькі журналісты, але і калегі па сцэне.
Хлапечнік Тэа стаў першай вечарынкай-праводзінамі на Еўрабачанне. За 11 гадоў удзелу ў конкурсе наша краіна ўпершыню так маштабна, весела і шчыра жадае артысту годнага выступлення ў шоу.
Галоўнымі гасцямі вечарынкі сталі Аляксандр Рыбак - пераможца Еўрабачання-2009 і Руслан Аляхно - прадстаўнік Беларусі на Еўрабачанні-2008. І ва ўсіх інтэрв'ю запрошаныя госці гаварылі пра Тэа.
Беларускія зоркі шоу-бізнесу падарылі спеваку свае пазітыўныя эмоцыі і настрой, якім будзе напоўнена выступленне ў Даніі. Алёна Ланская ўручыла артысту тэрмас, каб бярог свой голас у Капенгагене.
Хіп-хоп выканаўца Сульфат прэзентаваў сваю кавер-версію на Чызкейк. А спявачка Дарыя падарыла тэлескапічны відэлец, каб есці чызкейкі ў Даніі было яшчэ смачней. І ўжо хутка, праз паўтара тыдня, беларуская дэлегацыя адправіцца ў Капенгаген для падрыхтоўкі да конкурсу. Першыя рэпетыцыі ў канцы красавіка.
Да выхаду Тэа на сцэну Еўрабачання засталося менш за тры тыдні. 10 нумар. Другі паўфінал.