Выбітная актрыса Таццяна Дароніна сёння святкуе дзень нараджэння. Народнай артыстцы СССР споўнілася 85. З юбілеем актрысу павіншаваў Прэзідэнт Беларусі Аляксандр Лукашэнка. Сама імянінніца не раз прызнавалася, што тэатр любіць больш за ўсё на свеце. У восьмым класе Дароніна ўпотай ад бацькоў паехала ў Маскву паступаць у школу-студыю Маскоўскага мастацкага акадэмічнага тэатра. Яе ўжо збіраліся залічыць, але, даведаўшыся пра ўзрост, адправілі дамоў. У студэнцкія гады Таццяна выйшла замуж за Алега Басілашвілі, і пасля заканчэння вучылішча яны размеркаваліся ў Ленінград. Таццяна Дароніна пачала здымацца ў кіно. Яна выканала галоўныя ролі ў любімых публікай фільмах "Старэйшая сястра", "Тры таполі на Плюшчысе", "Яшчэ раз пра каханне".
