Каманда нашага прадстаўніка на Еўрабачанні Тэа сёння наведала анлайн-гасцёўню Белтэлерадыёкампаніі. Якія пытанні пяцёрцы артыстаў задавалі гледачы нашага канала, у рэпартажы Іны Пілевіч.
Гэта іх першая сустрэча пасля фіналу Еўрабачання. Але ўсе размовы па-ранейшаму толькі пра песню Чызкейк. Пяцёра артыстаў сталі тылам спевака Тэа на музычным шоу. Хлопцы настолькі паспяхова праявілі сябе на сцэне, што аўдыторыя Белтэлерадыёкампаніі то і справа цікавіцца, не ці аб'яднаюцца артысты ў групу.
Арцём Ахпаш, спявак: Конкурс Еўрабачанне - тое месца, дзе ўсё ўжывую, і артысту трэба дапамагаць. Гэта была падтрымка, зборка, але не будзем забываць, што Тэа - паўнацэнны сольны выканавец, і як бы заўсёды выступаў сольна. Таму нейкае нараджэнне групы не планавалася, бойзбэнда.
На конкурсе ў Капенгагене Тэа падтрымалі танцоўшчыкі - Аляксандр Залескі і Андрэй Мартынаў, а таксама вакалісты Арцём Ахпаш, Дзяніс Ліс, Юрый Селязнёў. І разам, і па асобнасці без Тэа гэтак жа цікавыя публіцы. Усе яны ўяўляюць абсалютна розныя музычныя кірункі. Выступаюць сольна і ў калектывах, выкладаюць. З Тэа пазнаёміліся за кулісамі беларускай эстрады. Каб падтрымаць спевака на конкурсе, хлопцы кінулі на месяц асноўную працу. Бралі ўрокі харэаграфіі, вакалу, англійскай. Удзел у Еўрабачанні для кожнага стаў рыўком у кар'еры.
Дзяніс Ліс, спявак: Хвалявацца ў нармальным ключы трэба заўсёды. А як з ім спраўляцца. Нам выдатныя практыкаванні педагогі з Кіпра і Грэцыі далі. Я гэтыя практыкаванні памятаю і штораз раблю. І становіцца нашмат менш хвалявання.
З кім пасябравалі на Еўрабачанні і ці плануюць трапіць на конкурс зноў? Усяго тры дзясяткі пытанняў за гадзіну. З адказамі артыстаў можна азнаёміцца на сайце Белтэлерадыёкампаніі www.tvr.by. Дарэчы, гэтая анлайн-канферэнцыя ўвайшла ў гісторыю галоўнага медыяхолдынга краіны як самая шматлікая па колькасці гасцей - адразу пяцёра інтэрв'юяваных.
Гісторыя каманды Тэа - ад нацыянальнага адбору да фіналу Еўрабачання. Агенцтва тэленавін рыхтуе да эфіру серыю праекта Нашы аб беларускай дэлегацыі на галоўным музычным шоу кантынента. Усё, што засталося за кадрам Еўрабачання, - 20 чэрвеня на Беларусь 1.
