Літаральна праз некалькі хвілін вырашыцца галоўная інтрыга "Славянскага базару": журы назаве пераможцаў Міжнароднага конкурсу эстраднай песні "Віцебск-2019". За два конкурсныя дні наш Іван Зданюк набраў 170 балаў. Гэта адзін з лепшых вынікаў. Амаль усе дзясяткі ад журы сабраў прадстаўнік Казахстана Адыльхан Макін - у яго 178 балаў. Ці будзе прысуджаны Гран-пры - апошняе слова за членамі журы.
На сцэну Летняга амфітэатра рыхтуюцца выйсці ўдзельнікі гала-канцэрта закрыцця фестывалю. У афішы - Вячаслаў Дабрынін, Тамара Гверцытэлі, Аляксандр Маршал. Сюрпрызам для гледачоў абяцае стаць прэм'ера песні Сафіі Ратару, якую яна напісала спецыяльна для "Славянскага базару".
