Слоганам "Еўрабачання 2019" стала фраза "Dare to Dream"

Аб'яўлены слоган "Еўрабачання 2019". Дэвізам песеннага конкурсу стала фраза "Dare to Dream", што ў перакладзе з англійскай значыць: "Дазволь сабе марыць" або "Адважся марыць". Арганізатары лічаць, што слоган сімвалізуе тэлешоу, бо менавіта сіла думкі і дзёрзкія мары прыводзяць удзельнікаў да перамогі. Дэвіз быў афіцыйна аб'яўлены пасля сустрэчы выканаўчага дырэктара "Еўрабачання" Ён Ола Санда і прэм'ер-міністра Ізраіля Біньяміна Нетаньяху. Нагадаем, што 64-ы міжнародны песенны конкурс прымае Ізраіль. Фінал будзе трансліравацца 18 мая з Тэль-Авіва.