Фінальны канцэрт міжнароднага фестывалю мастацтваў прайшоў напярэдадні на сцэне Летняга амфітэатра. На выступленне прыехалі самыя любімыя і самыя папулярныя артысты. Паглядзець на іх прыйшлі тысячы людзей. Канцэрт-закрыццё традыцыйна наведвае вялікая колькасць гледачоў. У гэты вечар тыя, хто быў на сцэне, і тыя, хто сядзеў у зале, сумавалі аб адным: Славянскі базар скончыўся. Але фінальнае шоу паставіла не кропку, а коску. Фестывальнае лета зноў настане ў Віцебску, толькі ўжо праз год.
