Аднак для гэтага яшчэ трэба прабіцца праз нацыянальны адбор. Мы працягваем знаёміць вас з тымі, хто 10 студзеня будзе змагацца за білет у Данію. На пастаноўцы фінальнага шоу адной з канкурсантак пабывала і наш карэспандэнт Анастасія Багамолава, якой адной з першых атрымалася даведацца, які ён - цярністы шлях да вялікай сцэны Анастасіі Малашкевіч.
Расказвае Анастасія Багамолава.
Знаёмімся: Анастасія Малашкевіч, удзельніца нацыянальнага адбору конкурсу Еўрабачання. Пакуль адпрацоўвае толькі свае рухі. Але пастаноўка нумара да фіналу абяцае быць больш масавай і эмацыянальнай.
Алеся Клышэўская, харэограф: Плануецца ў нас антураж з танцорак, танцоркі будуць прафесійныя гімнасткі, яны будуць ледзянымі статуямі, якія будуць паступова расставаць, адміраць, дарыць цяпло гледачу.
Песня, якую выканае Насця, Runaway - вакальна складаная, дзякуючы тэксту з асаблівым, вельмі важным для яе, сэнсам. Дарэчы, Насця ўжо даўно супрацоўнічае з Паўлам Клышэўскім, салістам групы Цягні-Штурхай. Ён - аўтар песні, да таго ж яе прадзюсар.
Анастасія Малашкевіч яшчэ і салістка групы Кураж. А гэта значыць, яе часцяком можна пачуць у начных клубах. А зараз самае дзіўнае: Насця - студэнтка Акадэміі музыкі, дзе атрымлівае класічную адукацыю па класе опернага мастацтва.
А ўсю песню цалкам вы зможаце праслухаць 10 студзеня ў прамым эфіры на тэлеканале Беларусь 1.