У Мінску сёння пачынаюцца паказы самага папулярнага праекта Брадвея. Сем ілюзіяністаў з усяго свету ўжо пяць гадоў паказваюць аншлагавыя шоу на ўсіх кантынентах. Над усталёўкай абсталявання для фокуснікаў працуе паўсотні спецыялістаў. Адзін з артыстаў шоу - фальсіфікатар Джэймс Мор з Англіі - дазволіў журналістам учора паўдзельнічаць у адным з самых простых сваіх трукаў. Як скласці кубік Рубіка з заплюшчанымі вачыма?
Джэймс Мор, артыст брадвейскага шоу "Ілюзіяністы": "Ілюзіёнам я займаюся з 8 гадоў, захапленне пачалося з наведвання цырка і ўражанняў ад нумароў чараўніка-фокусніка. Маёй першай вялікай перамогай было выступленне ў шоу талентаў. Сёння я працую ў вялікім і прэстыжным шоу Брадвея. Я фальсіфікатар, а гэта штосьці падобнае да мастацтва Дэвіда Коперфілда. У мяне шмат трукаў, сярод якіх ёсць і небяспечныя: з агнём і вострай пікай. Усе мае нумары патрабуюць вялізнай канцэнтрацыі і тэхнічнай падтрымкі. Поспех кожнага выступлення залежыць ад мноства і мноства трэніровак".
У Мінск артысты прыехалі пасля тура па Расіі. Пасля ілюзіяністы выступяць у Кіеве і далей па краінах Еўропы.
