Учора прайшлі дзве генеральныя рэпетыцыі шоу. Увечар мы нарэшце ўбачым выступленне беларускага ўдзельніка. Ivan выйдзе на сцэну пад нумарам 5. Прамы эфір пакажуць тэлеканалы "Беларусь 1" і "Беларусь 24", а таксама сайт Белтэлерадыёкампаніі. Каменціраваць шоу будзе наш калега Яўген Перлін.
Другі паўфінал "Еўрабачання" сёлета павінен быў доўжыцца на 3 хвіліны даўжэй. Але некалькі тыдняў таму была дыскваліфікаваная Румынія. Таму шанцы на выхад у фінал ва ўсіх роўныя. Пачнецца шоу з нумара ў стылі класічнага мюзікла.
Ола Мельзіг, тэхнічны дырэктар конкурсу "Еўрабачанне-2016": "Мы падрыхтавалі невялікі сюрпрыз для беларусаў. Які менавіта, убачыце адразу пасля нумара IVANа".
Падчас другой генеральнай рэпетыцыі тэхнічныя праблемы пачаліся ў групы з Грузіі. Малюнак быў не такі, як запланавалі. Таму ім дазволілі паўтарыць сваё выступленне.
Падчас учорашняй рэпетыцыі гледачы ўбачылі нумары і трох артыстаў з вялікай шасцёркі - Германіі, Італіі і Вялікабрытаніі. Краіны - арганізатары шоу паскардзіліся, што ў іх ёсць толькі адзін раз выканаць песню, а ў астатніх - па два.
Днём у IVANа яшчэ адна рэпетыцыя. Гэта так званае фэмілі-шоу. Бясплатныя білеты атрымалі дзеці з прытулкаў і шматдзетныя сем'і. Увечар у 10 гадзін па Мінску ў прамым эфіры гледачы вызначаць пераможцаў гэтага паўфіналу. Чаму толькі гледачы? Журы з краін гэтага паўфіналу свае балы выставілі напярэдадні.
Песню IVANа спявае ўся Еўропа, хоць вынікі галасавання яшчэ не вядомыя.
