Сёння адбудзецца прэм'ерны паказ п'есы Юрыя Палякова "Жанчыны без меж"

18 Снежня 2019
"Жанчыны без меж" - п'еса культавага савецкага пісьменніка, драматурга і паэта Юрыя Палякова з'явілася ў рэпертуары тэатра кінаакцёра да Дня Беларускага кіно. Камедыя аб каханні, адзіноцтве, стратах і спадзяваннях на шчасце. У пастаноўцы занятыя вядомыя акцёры тэатра і кіно. Спектакль у гумарыстычным і рамантычным жанры паставіў рэжысёр Аляксандр Яфрэмаў, музычную афарбоўку дабавіў кампазітар Леанід Шырын.

Прэм'ерныя паказы спектакля "Жанчыны без меж" у новым будынку тэатра на Машэрава, 33 пройдуць сёння і заўтра.