Сёння апошні дзень прыёму заявак на "Еўрабачанне-2020"

17 Студзеня 2020
Сёння апоўначы завершыцца прыём кампазіцый для ўдзелу ў нацыянальным адборы на конкурс на "Еўрабачанне-2020". Ён праходзіць на афіцыйным сайце Белтэлерадыёкампаніі www.tvr.by. Традыцыйна медыяхолдынг выступае арганізатарам праекта як адзіны прадстаўнік Еўрапейскага Вяшчальнага Саюза ў нашай краіне. Кампазіцыі, якія паступілі,  перш ацэніць фокус-група і правядзе перадкастынг. Па выніках будзе сфарміраваны спіс удзельнікаў наступнага этапа праекта - жывога праслухоўвання. Яно запланавана на 27 студзеня. Эксперты вызначаць не больш за 12 фіналістаў нацыянальнага адбору. Выніковы гала-канцэрт пройдзе не пазней за 6 сакавіка. Яго прамую трансляцыю будуць весці тэлеканалы "Беларусь 1" і "Беларусь 24". Прадстаўнік нашай краіны на міжнародным песенным конкурсе будзе вызначаны шляхам галасавання гледачоў і журы. Нагадаем, юбілейнае, 65-е, "Еўрабачанне" адбудзецца ў маі ў Ратэрдаме (Нідэрланды).