Еўрапейцы - палякі, літоўцы і нават чэхі - лічаць яго сваім Песняром. А ён - выхадзец Беларусі, які ў сваёй творчасці апеў нашу мову, гісторыю і культуру.
Сёння 215-ая гадавіна са дня нараджэння паэта, публіцыста і асветніка Адама Міцкевіча. Ён нарадзіўся пад Навагрудкам, вучыўся ў Вільні. Шмат, часам вымушана, падарожнічаў, знаходзячыся ў выгнанні. Сучаснік і сябар Пушкіна, з якім яго радніў не толькі талент, але лад жыцця - Адам Бернард - быў рамантыкам і рэвалюцыянерам. Сябраваў з дзекабрыстамі. Вядомы як аўтар балад і эпічных паэм Пан Тадэвуш, Дзяды.
Асноўным захавальнікам беларускіх фондаў Адама Міцкевіча з'яўляецца Дзяржаўны музей-архіў літаратуры і мастацтвы. Калекцыя ўтрымлівае каля сотні дакументаў, у асноўным гэта копіі, але самым каштоўным экземплярам тут з'яўляюцца гранкі паэмы Міцкевіча Пан Тадэвуш у перакладзе Дуніна-Марцінкевіча.
