Брадвей - у Мінску. Рок-мюзікл "Недалёка ад нормы" ўпершыню будзе паказаны ў Беларусі. Над пастаноўкай спектакля, які атрымаў Пулітцэраўскую прэмію і 3 узнагароды Tony Award, працуе тэатр "Тэрыторыя мюзікла". Ужо адбылася закрытая прэзентацыя ключавых музычных нумароў. Сюжэт будуецца вакол жанчыны, якая пакутуе біпалярным расстройствам, і паказвае, як хвароба блізкага чалавека адлюстроўваецца на навакольных. Для працы над культавым мюзіклам беларуская трупа заключыла кантракт з праваўладальнікам. Згодна з яго ўмовамі, у нашай краіне спектакль будзе паказвацца на працягу года ў арыгінальным аўтарызаваным перакладзе на рускую мову.
Над падрыхтоўкай вакальных партый з беларускімі артыстамі працаваў вакальны коуч са Злучаных Штатаў Амерыкі. Як і на Брадвеі, спектакль будзе ісці ў жывым музычным суправаджэнні рок-групы. Прэм'ера мюзікла "Недалёка ад нормы" заяўлена на 28 сакавіка.
