Родапачынальніка беларускага джаза і музыканта, які стварыў анталогію аўтарскай нацыянальнай музыкі - Барыса Райскага - напярэдадні ўспомнілі вялікім канцэртам. У рамках традыцыйнага міжнароднага фэсту "Мінскі джаз" адбыўся вечар памяці выбітнага кампазітара і дырыжора. Заслужаны калектыў "Нацыянальны канцэртны аркестр" пад кіраваннем Міхаіла Фінберга і яго салісты прапанавалі маштабную праграму вакальных і інструментальных твораў, некалі агучаных Райскім і яго калектывам. Дарэчы, аркестрам Беларускага радыё і тэлебачання, з якім Барыс Іпалітавіч прапрацаваў каля паўстагоддзя.
Барыс Райскі - нашчадак рускіх эмігрантаў у Кітаі, пасля Вялікай Айчыннай вярнуўся ў СССР з Шанхая. Па запрашэнні дырэктара Беларускага цырка застаўся ў Мінску. Неўзабаве ўзначаліў аркестр Беларускага радыё і тэлебачання, у рэпертуар якога ўключыў творы ўсіх айчынных аўтараў: ад кампазітараў-дэбютантаў да ўслаўленых мэтраў. Менавіта дзякуючы Райскаму Мінск упершыню пачуў гук саксафона і даведаўся што такое джаз.
